La Galarie Tir dal Centri Culturâl "Mostovna" di Nova Gorica e ospite une mostre une vore interessante de fotografe gurizane Roberta Battiston avodade a "mENTAL bORDERS – cONFINI mENTALI" (Confins mentâi). Inaugurade ai 4 di Dicembar la esposizion e restarà vierte fintremai il 27 dal stes mês. La fotografe, socie dal 'Fotoclub di Lusinis' e propon a la int une personâl pinsîr in 'blanc e neri' sul teme dal confin. L'idee svilupade intal cjâf de Battiston jenfri lis sôs frecuentazions universitaris – e fo la uniche studentesse di nazionalitât taliane intal ateneu di Nova Gorica – e devente une sorte di viaç traviers i stereotips dai oms e intes posizions assolutistichis. Chestis disposizions inrocjadis e inrusinidis che sedin, no fasin altri che fermâ la comunicazion tra personis e deteriorâ i rapuarts umans. La Battiston nus puarte cui siei scats intun percors traviers il degrât sociâl e la incomunicabilitât.
La scree de mostre e à viodût la partecipazion dal musicist Fabrizio Fiore, autôr da instalazion sonore fate pe ocasion. Fiore, diplomât al Conservatori di Triest in Composizion videomusicâl, al à partecipât a une vore di masterclass e di seminaris di musiche eletroniche e composizion. Dal 2006 al cree operis in tal cjamp eletroacusic, strumentâl e de videoart e si esibìs in events di musiche contemporanie cun perfomance e instalazions.
Sul sît www.mostovna.com si pues cjatâ i oraris di viertidure de mostre.
Grazie per la traduzione in friulano di Cronache Isontine.
